TEKNOLOGIA BERRIEN ERAGINA.

 Arestian argitaraturiko artikulo batean esan nuenez, teknologia berriak gure etorkizuna dira. Bizitza errazten digute eta oso erabigarriak suerta daitezke.
 Umeak zenbat eta gazteago, orduan eta hobeto maneiatzen dituzte. Argi dago, urte gutxi batzuen buruan gauzak izugarri aldatu direla. IKT-ak geure bizitza aldatu dute. Baina noraino dira positiboak aldaketa hauek?
 Hurrengo bideoan, galdera honi erantzun bat ematen zaio. Zuek zer uste duzue?

Hona hemen bideo dibertigarri bat.

Informazio eta teknologia berriak

 Aurreko batean, Ikt-ko ikasgaian hiru pertsonako taldeetan banatu ginen. Irakalseak, talde bakoitzari artikulu bat eman zion teknologia berriei buruz. Talde bakoitzak, egokituriko testua irakurri eta ideai nagusiak atera genituen. Nire taldeari, teknologia berriek ikasgeletan azaleratzen ari diren eraginari buruz hitz egiten zuen artikulua egokitu zitzaion. Artikulu honi esker ulertu nuen zer-nolako garrantzia dauka informatikan abilezia edukitzea. Izan ere, internet geure etorkizuna da eta gaur egun, haurrak txikiak direnean ordenagailuen munduan sartzen ditugu.
 Gainera, oso gauza arrunta bihurtzen  hasi da umeek ordenagailu propioa edukitzea gero eta gazteagoak izanda. Eta ikasgeletan ikasleek ordenagailu propioa dute.
 Honek esan nahi du, irakasleek teknologia berrien munduan aditu izan behar dutela. Ordenagailuak erabiltzen jankin behar dute, eta ikasleei gauzak egiten irakatsi. Baina, irakasleak prestatuta daude informatikaren munduan sartzeko?
 Nire aburuz, ez. Irakasleei formakuntza falta zaie.  Batez ere, adin batean sarturik dauden irakasleei. Irakaskuntzan 10 urtetik gora daramatzaten irakasleek ez dute teknologia berrien gainean inolako informaziorik jaso. Eta arestian aipatu bezala, IKT-ak geure etorkizuna dira.

IKASYS PROEIKTUA.

• Zer da Ikasys proiektua?

 Tipologia zabaleko aktibitate didaktikoen bidez, ikasleak oinarrizko konpetentziak lortzeko behar dituen baliabideak garatzeko balio duen hezkuntza ikerketa alorreko sistema berriztatzailea da. Hiru zeregin ditu:

1. Trebatzeko: ikaskuntzaren hainbat prozeduratan trebatzeari zuzentzen zaizkion jarduera sistematiko eta progresiboen bilduma da.
2. Memorizatzeko: ikaskuntzaren hainbat eduki memorizatzea lagundu dezakeen jarduera sistematikoen bilduma da.
3. Nork bera egiteko: ikaskuntzaren maila eta erritmoa ikasleak berak, era autonomo eta indibidualean, bere buruari ezartzeko eta jarduerak egiteko eskaintzen duen prozesua da.

• Zein helburu du?

 Egoera sinpleenetatik abiatuz, ikasgelan eta eguneroko bizitzan sortzen zaizkion egoera problematikoak ulertzeko eta egoera horiei aurre egiteko, tresna sendoak eskaintzea.

Software librea eskolan

INFORMATIKA ETA ESKOLA

 Pasadan egunean, artikulu interesgarri bat topatu nuen interneten ([url]http://nikazetari.diariovasco.com/2010/edicion2010/konpe/777-ikastola-eta-informatika.html[/url] orrialde honetan aurkituko duzue). Artikuluan esaten da, informatikak gure egungo gizartean oso garatuta dagoela eta jendeak asko erabiltzen duela. Baina eskoletan dauden ordenagailuak, oso zaharkituta daudenez, umeek informazioa aurkitzeko eta lanak egiteko soilik erabiltzen dituzte.
 Artikulua idatzi duten nesken aburuz, honako egoera honi konponbide bat emateko, Eusko Jaurlaritzak ikastetxeei diru-laguntzak areagotu edota ordenagailu berriak oparitu beharko lieke.
 Nire iritzi pertsonalean, informatika hain garatuta dagoenez, umeek ikasgai hau ikasteko baldintza egokiak izan beharko lituzkete. Beraz, ados nago artikuluaren idazleek proposatzen duten irtenbidearekin.
 Zuek, zer uste duzue?