IKASYS PROEIKTUA.

• Zer da Ikasys proiektua?

 Tipologia zabaleko aktibitate didaktikoen bidez, ikasleak oinarrizko konpetentziak lortzeko behar dituen baliabideak garatzeko balio duen hezkuntza ikerketa alorreko sistema berriztatzailea da. Hiru zeregin ditu:

1. Trebatzeko: ikaskuntzaren hainbat prozeduratan trebatzeari zuzentzen zaizkion jarduera sistematiko eta progresiboen bilduma da.
2. Memorizatzeko: ikaskuntzaren hainbat eduki memorizatzea lagundu dezakeen jarduera sistematikoen bilduma da.
3. Nork bera egiteko: ikaskuntzaren maila eta erritmoa ikasleak berak, era autonomo eta indibidualean, bere buruari ezartzeko eta jarduerak egiteko eskaintzen duen prozesua da.

• Zein helburu du?

 Egoera sinpleenetatik abiatuz, ikasgelan eta eguneroko bizitzan sortzen zaizkion egoera problematikoak ulertzeko eta egoera horiei aurre egiteko, tresna sendoak eskaintzea.

• Zeintzuk dira Ikasys progaramaren osagaiak?

Hardware aldetik: eskola beharrei erantzungo dien eta erabiltzeko erraza eta merkea den IKASBOOK tresna informatiko mugikorra. Tresna hau, gela arruntetan integratuko da eta ikasle bakoitza bere ordenagailuarekin egongo da lanean.
Software aldetik: atal honek hiru web aplikazio biltzen ditu: jarduerak sortzeko eta antolatzeko aplikazioa; tresna informatiko mugikorrean jarduerak exekutatzeko aplikazioa eta irakasleek ikasleek egindako lanen garapenaren jarraipena egiteko aplikazioa.
Eduki kurrikular aldetik: arloka eta zailtasunaren arabera mailakatutako jarduera sorta biltzen du.

Honako bideo honetan, ikasys proeiktuak nola funtzionatzen duen ikusiko duzue:

Informazioa honako orrialde honetan aurkituko duzue, sakonago:
 http://www.ikasys.net/wordpress/?langswitch_lang=eu